މިދަންނަވާ ކަންތައް 25 ޖޫން 2018 ގައި ބޭއްވި ފާދިއްޕޮޅު އަތޮޅު ކައުންސިލްގެ 2018/13 ވަނަ ޢާއްމު ޖަލްސާ (3 ވަނަ ދައުރުގެ 33 ވަނަ ޢާއްމު ޖަލްސާ) އިން ވަނީ ނިންމާފައެވެ.
މިއިދާރާގެ 2016 ވަނަ އޯޑިޓާއި ގުޅިގެން އޯޑިޓްކުރެއްވި ފަރާތްތަކުން ހުށަހެޅުއްވި ބަޔާނަށް ކޮމެންޓް ކޮށްދެއްވުމަށް އެފަރާތުން އެދިވަޑައިގެންފައިވާތީ، ފޯމާއެކު ހުށަހަޅާފައިވާ އޯޑިޓް ބަޔާނަށް ކައުންސިލުން ކޮށްފައިވާ ކޮމެންޓްތައް ފާސްކުރުން.
2017 ވަނަ އަހަރު މާލިއްޔަތުގެ ޤަވާޢިދުގެ ބައެއް މާއްދާތަކަށް އިސްލާޙް އައިސްފައިވާތީ، މިއިދާރާގެ އަންދާސީ ހިސާބުބަލާކޮމިޓީ އެޤަވާޢިދާ އެއްގޮތަށް އެކުލަވާލުމަށް، 24 ޖޫން 2018 ގައި ބޭއްވުނު ބައްދަލުވުމުގައި މަޝްވަރާ ކުރެވިފައިވާގޮތަށް، އެކޮމިޓީ އިދާރީ ގޮތުން އެކުލަވާލުމަށް ނިންމުން.
“ޅ. އަތޮޅުގައި ހިންގާ ނުވަތަ ހިންގުމަށް ރާވާ މަޝްރޫޢުތަކާ ޕްރޮގްރާމްތަކާ އިވެންޓްތަކަށް ފާދިއްޕޮޅު އަތޮޅު ކައުންސިލްގެ އިދާރާއިން އެހީދިނުމުގެ ޤަވާޢިދު 2018” ޑްރާފްޓް، 24 ޖޫން 2018 ގައި ބޭއްވުނު ބައްދަލުވުމުގައި މަޝްވަރާ ކުރެވިފައިވާގޮތަށް (އެހީދިނުމުގެ ޤަވާޢިދު 2018)، ފާސްކުރުން.
ފާދިއްޕޮޅު އަތޮޅުކައުންސިލްގެ މިލްކުވެރިކަމުގެ ދަށުގައިވާ އަތޮޅު ރަށްވެހިގެ ގޯތީގައި 5 ބުރިޔަށް ޢިމާރާތެއް ކުރުމަށް އެކްޓިވިޓީ ކަލަންޑަރުގައި ހިމެނިފައިވާތީ، އެމަޝްރޫޢު ކުރިޔަށް ގެންދާނޭގޮތް އިދާރާއަށް ސާފުކޮށް އެނގެން އޮތުމުގެ ބޭނުމުގައި ޑްރާފްޓްކޮށްފައިވާ ކޮންސެޕްޓް ޕޭޕަރ ފާސްކުރުން.
ފާދިއްޕޮޅު އަތޮޅުކައުންސިލްގެ ރައީސް އިބްރާހީމް ސިމާއު އެދިލައްވާފައިވާ 3 ދުވަހުގެ ޗުއްޓީ އިތުރުކޮށް ދިނުމަށް ހުށަހަޅާފައިވާ މައްސަލައިގެ މުއާލާތް ކެނޑިފައިވާތީ މައްސަލަ ކުރިޔަށް ގެންދަން ނުފެންނަކަމަށް ނިންމުން.
ފާދިއްޕޮޅު އަތޮޅުގޭގައި ބޭނުންކޮށްފައިވާ ހިފާ ގެންގުޅޭ ބައެއްތަކެއްޗާއި، ފަރުނީޗަރ އަދި ބޭނުން ނުކޮށް ހުރި ބައެއް ހިފާގެންގުޅޭ ތަކެތި ނީލަމުގައި ވިއްކާލުމަށްޓަކައި ނަގާފައިވާ ލިސްޓް، ނީލަން ފެށޭއަގާއެކު، އަދި ލިސްޓް، ފާސްކުރުން.
އަތޮޅުކައުންސިލް އިދާރާގައި މަސައްކަތްކުރާ މުވައްޒަފުން، މަސައްކަތު ގަޑީގައި ނަމާދުކުރުމަށް ހަދާތަން ޖަލްސާކުރާ ކޮޓަރީގެ ދެކުނުން ސިޑިއާއި ދެމެދުގައިވާ ހުސްތަނުގައި ހެދުމަށް ނިންމުން.