މިދަންނަވާ ކަންތައްތައް، 25 ޑިސެމްބަރ 2018 ގައި ބޭއްވި ފާދިއްޕޮޅު އަތޮޅުކައުންސިލްގެ 2018/6 ވަނަ ކުއްލި ޖަލްސާ (3 ވަނަ ދައުރުގެ 6 ވަނަ ކުއްލި ޖަލްސާ) އިން ވަނީ ނިންމާފައެވެ.

ފާދިއްޕޮޅު އަތޮޅު ކައުންސިލްގެ އިދާރާއިން، “ޙިމާޔަތް ކުރުމަށް ފެންނަ ސަރަޙައްދުގެ ލިސްޓް” ގެ ގޮތުގައި ޙިމާޔަތްކޮށްދިނުމަށް އެދި ހުށަހަޅާފައިވާ ލިސްޓްގައިވާ ސައިޓް ތަކުގެ އިތުރުން، އެންވަޔަރަންމެންޓަލް ޕްރޮޓެކްޝަން އޭޖެންސީގެ ނަމްބަރ 203-PROREC/231/2018/10 (23 ޑިސެމްބަރ 2018) ގެ ސިޓީއާ އެކުގައި އެޓޭޗްކުރައްވާފައިވާ “ސެންސިޓިވް ސައިޓް ލިސްޓް” އަށް، އީ.ޕީ.އޭ.އިން އިތުރުކުރައްވާފައިވާ، ފާދިއްޕޮޅުގެ އިތުރު ސައިޓްތަކާއެކު، ޙިމާޔަތްކުރުމަކީ، މިކައުންސިލުންވެސް ބޭނުންވާއެންމެ ރަނގަޅުގޮތްކަމަށް ފެންނާތީއާ، އެތަންތަން ސެންސިޓިވް އޭރިޔާ ތަކުގެ ރަޖިސްޓަރީއަށް އިތުރު ކުރުމުން، އަތޮޅުގެ ޢާންމުންގެ ދިރިއުޅުމާގުޅޭ އަސާސީ އިންތިޒާމްތަކަށް، ބުރޫތަކެއް އަރާނޭކަމަށް ނުފެންނާތީ، އީ.ޕީ.އޭ.ގެ ޙަވާލާދެވުނު ސިޓީއާއެކުގައިވާ ލިސްޓްގައި ބަޔާންކުރައްވާފައިވާ މިދަންނަވާ ސައިޓްތައް، ޙިމާޔަތް ކުރުމަށް ފެންނަ ސަރަޙައްދުތަކުގެ ގޮތުގައި ހަމަޖައްސަވައި ދެއްވުމަށް އީ.ޕީ.އޭ.އަށް ދެންނެވުމަށް ނިންމުން.

  • އެ ސައިޓްތަކަކީ:
  1. ހުރަވަޅި ސޭންޑް ބޭންކްއާ އެފަޅާއި އިންވެގެން އޮތް ސަރަޙައްދު
  2. އެނޮނަމީ ތިލަ
  3. ދިއްފުށި މައިދޫ ކުޅި
  4. މާކޯ
  5. ފާދޫ
  6. ދަނޑިފަޅު
  7. ކުރެއްދޫ ކޭވް
  8. މަޑިވަރު ތިލަ
  9. މާގިރި / ބޮޑުގިރި
  10. ދަށުގިރި ފިނޮޅު