މިދަންނަވާ ކަންތައްތައް، 15 ޖޫން 2025 ގައި ބޭއްވި، ފާދިއްޕޮޅު އަތޮޅު ކައުންސިލްގެ 10/2025 ވަނަ ޢާންމު ޖަލްސާ (4 ވަނަ ދައުރުގެ 113 ވަނަ ޖަލްސާ) އިން ވަނީ ނިންމާފައެވެ.

ފާދިއްޕޮޅު ސްޓޭޓް ހައުސް ބިނާކުރުމަށްޓަކައި ތައްޔާރު ކުރެވިފައިވާ ކޮންސްޕްޓް އިޢުލާންކުރުމަށް ބޭނުންވާތީ، ހުށަހެޅިފައިވާ ކޮންސެޕްޓްގައިވާ ގޮތަށް ފާސްކުރަން ނިންމުން.

ޕާސްޕޯޓުގެ ހިދުމަތް ފެށުމަށް ބޭނުންވާ އިމާރާތް ހަމަޖެއްސުމަށް ޅ.އަތޮޅު ރައްވެހިގެ (މިހާރު ކުއްޔަށް ދޫކޮށްފައިވާ) އިމާރާތުން ހިދުމަތް ދިނުމަށް އެކަށީގެންވާ ވަރުގެ ޖާގަ އެއްބަސްވުން ތަންދޭނަމަ، އުނިކުރުމުގެ މަސައްކަތް ކުއްޔަށް ހިފާފައިވާ ފަރާތާއިއެކު މަޝްވަރާކޮށް އިދާރީގޮތުން ކުރިއަށް ގެންދިއުމަށްފަހު އަލުން އެޖެންޑާ ކުރުމަށް ނިންމުން.

ފާދިއްޕޮޅު އަތޮޅު ކައުންސިލްގެ އިދާރާގެ ޢިމާރާތެއް ކަމުގައިވާ އަތޮޅު ރަށްވަހިގެ 1 ކުއްޔަށް ހިފާފައިވާ ފަރާތުން އިމާރާތަށް ގެނައުމަށް ހުށަހަޅާފައިވާ ބަދަލުތައް އެދިފައިވާގޮތަށް، ކުރުމުގެ ހުއްދަ ދިނުމަށް ނިންމުން.

ސްކޫލްތަކަށް އަމާޒުކޮށްގެން ކުރިއަށްގެންދިއުމަށް ނިންމާފައިވާ ކުޅިވަރު މުބާރާތްތައް ކުރިއަށް ގެންދިއުމަށް މިނިސްޓްރީ އޮފް އެޑިޔުކޭޝަނުން ފުރުޞަތު ނުދެއްވާތީ، މިމުބާރާތް އަތޮޅަށް އެންމެ ފައިދާވާނޭ ގޮތަކަށް ކުރިއަށް ގެންދެވޭނެ ގޮތްތަކެއް ބެލުމަށް އިތުރަށް މަޝްވަރާކުރުމަށްފަހު އަލުން އެޖެންޑާ ކުރުމަށް ނިންމުން.

ސްކޫލްތަކަށް އަމާޒުކޮށްގެން ކުރިއަށްގެންދިއުމަށް ނިންމާފައިވާ ކުޅިވަރު މުބާރާތްތައް ކުރިއަށް ގެންދިއުމަށް މިނިސްޓްރީ އޮފް އެޑިޔުކޭޝަނުން ފުރުޞަތު ނުދެއްވާތީ، މިމުބާރާތް އަތޮޅަށް އެންމެ ފައިދާވާނޭ ގޮތަކަށް ކުރިއަށް ގެންދެވޭނެ ގޮތްތަކެއް ބެލުމަށް އިތުރަށް މަޝްވަރާކުރުމަށްފަހު ގޮތެއް ނިންމުމަށް ފެންނަކަމަށް ނިންމާފައިވާތީ މުބާރާތް ކުރިއަށް ގެންދެވޭނެ ގޮތެއް ނިމުމުން، މުބާރާތް ހޮސްޓް ކުރުމުގެ ފުރުޞަތު އަލުން ހުޅުވާލަން ނިންމުން.

ފާދިއްޕޮޅު އަތޮޅު ކައުންސިލްގެ ޤުރްއާން މުބާރާތް 19-22 ޖުލައި 2025 ގައި ބޭއްވުމަށާއި މުބާރާތުގެ ޤަވާއިދަށް ގެނެވިފައިވާ ބަދަލުތަކާއިއެކު ފާސްކުރަން ނިންމުން.