ފާދިއްޕޮޅު އަތޮޅުކައުންސިލްގެ އިދާރާގެ އަސްކަނިތަކާއި ،ފިޔަކަނިތަކާއި، ނަލަފިލާތަކާއި، ފާހާނަތައް މަރާމާތުކުރުން

ފާދިއްޕޮޅު އަތޮޅުކައުންސިލްގެ އިދާރާގެ އަސްކަނިތަކާއި ފިޔަކަނިތަކުގައިވާ ނަލަފިލާތައް ފީވެފައިވާތީ، ފީނުވާ ބާވަތެއްގެ މެޓީރިއަލްއަކުން ނަލަފިލާތައް އަލުން ހަދައި، ދިޔަދޮވިތައް ހަރުކޮށް، މަރާމާތު ކުރުމުގެ މަސައްކަތާއި ފިރިހެނުންގެ ފާޚާނާއާއި އަންހެނުންގެ ފާޚާނާ ވެންޓްކުރުމަށްޓަކައި 4 އިންޗިއަށްވުރެ ހިމަނޫން ޕީވީސީ 4 ހޮޅިކޮޅު ހަރުކުރުމުގެ މަސައްކަތް، އަމިއްލަތަކެތީގައި ކޮށްދޭނެ ފަރާތެއް ހޯދުމަށް ކުރި ނަމްބަރ(ILU)231-AH/231/2018/37 : ގެ އިޢުލާނާއި ގުޅިގެން ބިޑް ބައްލަވާގަތް ފަރާތް މަދުކަމުން  މި މަސައްކަތް ކޮށްދޭނެ ފަރާތެއް ހޯދުމަށް ތިންވަނަ ފަހަރަށް އިޢުލާން ކުރީމެވެ.

މި މަސައްކަތަށް ބިޑް ހުށަހެޅޭނީ ވިޔަފާރި ރަޖިސްޓްރީކުރުމުގެ ޤާނޫނުގެދަށުން ވިޔަފާރި ރަޖިސްޓްރީ ކޮށްފައިވާ ފަރާތްތަކަށެވެ.

ވީމާ، މިމަސައްކަތް، އަމިއްލަތަކެތީގައި ކޮށްދެއްވުމަށް ޝައުޤުވެރިވެލައްވާ ފަރާތްތަކުން ބިޑް ޑޮކިއުމަންޓްސް ބައްލަވައި ގަތުމަށްފަހު ބިޑް ޑޮކިއުމަންޓްސް ފުރިހަމަ ކުރައްވައި ކަނޑައެޅިފައިވާ ގަޑިއަށް ބިޑް ޑޮކިއުމެންޓް މި އިދާރާއަށް ހުށަހެޅުއްވުން އެދެމެވެ.

ބިޑް ޑޮކިއުމެންޓެއްގެ އަގަކީ -/30 ރުފިޔާ އެވެ.

ބިޑް ބައްލަވާނުގަންނަވާ ފަރާތްތަކުން ޕްރީބިޑް މީޓިންގގައި ބައިވެރިއެއް ނުވެވޭނެއެވެ. އަދި ބިޑް ބައްލަވައިގަތް ފަރާތުން ފްރީ ބިޑް މީޓިންގ ގައި ބައިވެރިވެ ވަޑައިނުގެންނެވި ކަމުގައިވިޔަސް ބިޑް ހުށަހެޅޭނެ ވާހަކަ ދެންނެވީމެވެ.

މިއިދާރާގެ ނަމްބަރ: (IUL)231-AH/231/2018/37 އިޢުލާނާއި ގުޅިގެން ބިޑް ބައްލަވާގަތް ފަރާތްތަކުގެ ތެރެއިން ވިޔަފާރި ރަޖިސްޓަރީ ކުރުމުގެ ޤާނޫނުގެދަށުން ވިޔަފާރި ރަޖިސްޓަރީ ކޮށްފައިވާ ފަރާތްތަކަށް ބިޑް ހުށަހެޅޭނެއެވެ.