ފާދިއްޕޮޅު އަތޮޅު ކައުންސިލުން އިންތިޒާމްކޮށްގެން ބާއްވާ ފާދިއްޕޮޅު ޗެމްޕިއަންޝިޕް 2018 (21 އަހަރުން ދަށުގެ) ފުޓްބޯޅަ މުބާރާތުގައި ކޮންމެޓީމަކުން 1 މެޗްކުޅެ ނިމުނު އިރު މިވަގުތު ޕޮއިންޓް ޓޭބަލްގެ ކުރީގައި އުޅެނީ ކުރެންދޫ އާއި ހިންނަވަރެވެ. މިމުބާރާތް ކުރިއަށް ދާނީ ކޮންމެ ޓީމެއް ކޮންމެ ޓީމަކާއި ވާދަކޮށް އެންމެ ގިނަ ޕޮއިންޓް ހޯދާ ދެޓީމެއް ފައިނަލް ކުޅޭގޮތަށެވެ. ކުރެންދޫ އަދި ހިންނަވަރު ކޮންމެ ޓީމަކަށް 3 ޕޮއިންޓް ލިބިފައިވާއިރު ފައިދާގޯލުގެ ތަފާތުން ކުރީގައި އުޅެނީ ކުރެންދޫއެވެ. އޮޅުވެލިފުށި އަދި ނައިފަރަށް އެއްވެސް ޕޮއިންޓެއް ލިބިފައެއް ނުވެއެވެ.
އިއްޔެ ކުޅެވުނު މިމުބާރާތުގެ ފުރަތަމަ މެޗުގައި ބައްދަލުކުރީ ހިންނަވަރު އަދި އޮޅުވެލިފުށި ޓީމެވެ. މިމެޗް 2-1 އިން ކާމިޔާބުކުރީ ހިންވަރު ޓީމެވެ. މިއަދު ކުޅެވުނު މުބާރާތުގެ ދެވަނަ މެޗުގައި ބައްދަލުކުރީ މުބާރާތް ބާއްވާރަށް ކަމަށްވާ ކުރެންދޫގެ ޓީމާއި ނައިފަރުގެ ޓީމެވެ. މިމެޗް 4-2 އިން ކާމިޔާބުކުރީ ކުރެންދޫ ޓީމެވެ. މިމުބާރާތުގެ ތިންވަނަ މެޗުގައި މާދަމާ ބައްދަލުކުރާނީ އޮޅުވެލިފުށި ޓީމާއި ނައިފަރު ޓީމެވެ.
ޅ އަތޮޅުގެ ހަތަރު ރަށުން 04 ޓީމް ވާދަކުރާ މިމުބާރަތަކީ ޅ އަތޮޅުގައި ޒުވާން ފުޓްބޯޅަ ކުޅުންތެރިން އުފެއްދުމުގެ މަޤްޞަދުގައި ފާދިއްޕޮޅު އަތޮޅު ކައުންސިލުން އިންތިޒާމް ކުރާ މުބާރާތެކެވެ. ފާދިއްޕޮޅު އަތޮޅު ކައުންސިލްގެ 2018 ވަނަ އަހަރުގެ ބަޖެޓުން އެއްލައްކަ ރުފިޔާއަށްވުރެ ބޮޑު ޚަރަދެއް ކޮށްގެން ބާއްވާ މިމުބާރާތަކީ 21 އަހަރުންދަށަށް އަމާޒުކޮށްގެން ކުރިއަށްގެންދާ މުބާރާތެކެވެ. ފާދިއްޕޮޅު އަތޮޅު ކައުންސިލްގެ މަޝްވަރާގެ މަތިން މިމުބާރާތް ރާވާ އިންތިޒާމްކުރާނީ އާޓްޒޯންގެ ފަރާތުންނެވެ.
ފަހުގެ ލިއުންތައް
- 2024 މާރޗް މަހުގެ ނިޔަލަށް ފާދިއްޕޮޅުގެ އާބާދީ
- ޅ.އަތޮޅު ކައުންސިލްގެ އިދާރާއިން އެވޯޑްކޮށްފައިވާ ޕްރޮކިޔުމަންޓްތަކުގެ މަޢުލޫމާތު ޢާއްމުކުރުން (މާރޗް 2024)
- 2024 ފެބުރުއަރީ މަހުގެ ނިޔަލަށް ފާދިއްޕޮޅުގެ އާބާދީ
- ޅ.އަތޮޅު ކައުންސިލްގެ އިދާރާއިން އެވޯޑްކޮށްފައިވާ ޕްރޮކިޔުމަންޓްތަކުގެ މަޢުލޫމާތު ޢާއްމުކުރުން (ފެބުރުއަރީ 2024)
- 2024 ވަނަ އަހަރުގެ ފެބްރުއަރީ މަހުގެ ރައްޔިތުންގެ ބައްދަލުވުން ބޭއްވި ކައުންސިލްތައް
- ލިބޭފައިސާއާއި ޚަރަދުގެ ރިޕޯޓް – ފެބުރުއަރީ 2024
- ލިބޭފައިސާއާއި ޚަރަދުގެ ރިޕޯޓް – ޖެނުއަރީ 2024
- ފާދިއްޕޮޅު އަތޮޅު ތަރައްޤީ ޕްލޭނުން ޙާޞިލްވަމުންދާ މިންވަރު (ޖެނުއަރީ، ފެބުރުއަރީ 2024)
- 2024 ޖެނުއަރީ މަހުގެ ނިޔަލަށް ފާދިއްޕޮޅުގެ އާބާދީ
- 2024 ވަނަ އަހަރުގެ ބަޖެޓް ހުށަހެޅި ކައުންސިލްތައް