މިދަންނަވާ ކަންތައްތައް، 13 ޖެނުއަރީ 2021 ގައި ބޭއްވި ފާދިއްޕޮޅު އަތޮޅުކައުންސިލްގެ 2021/2 ވަނަ ޢާއްމު ޖަލްސާ (3 ވަނަ ދައުރުގެ 128 ވަނަ ޖަލްސާ) އިން ވަނީ ނިންމާފައެވެ.

ފާދިއްޕޮޅު އަތޮޅުކައުންސިލް އިދާރާއާއި، އަތޮޅުގޭގެ ސެކިއުރިޓީ ބެލެހެއްޓުމަށް ނަގާފައިވާ އޮފިސަރުންގެ މުއްދަތު 31 ޖެނުއަރީ 2021 އަށް ހަމަވާތީ، ސެކިއުރިޓީ މިހާރު ބަލަހައްޓަމުން ގެންދަވާ ފަރާތްތައް 1 ފެބްރުއަރީ 2021 އިން ފެށިގެން 4 މަސްދުވަހަށް މުއްދަތު އިތުރުކުރަން ނިންމުން.

ދިވެހިރާއްޖޭގެ އިދާރީ ދާއިރާތައް ލާމަރުކަޒީ އުޞޫލުން ހިންގުމުގެ ޤާނޫނު 2010/7 ގެ 96 ވަނަ މާއްދާގެދަށުން ކައުންސިލަށް ލިބޭ އާމްދަނީއާއި، އެކިގޮތްގޮތުން ލިބޭ އެހީއާއި ނަގާ ލޯނަށް ބަލައިގެން 2021 ވަނަ އަހަރަށް ފާދިއްޕޮޅު އަތޮޅުކައުންސިލުން ތައްޔާރުކުރިބަޖެޓް، ރިކަރެންޓް ޚަރަދުގެގޮތުގައި 6،982،458.00 (ހަމިލިޔަން ނުވަލައްކަ އަށްޑިހަ ދެހާސް ހަތަރުސަތޭކަ ފަންސާސް އަށްރުފިޔާ)، ކެޕިޓަލް ޚަރަދުގެ ގޮތުގައި 1,543,100.00 (އެއްމިލިޔަން ފަސްލައްކަ ސާޅީސް ތިންހާސް އެއްސަތޭކަ ރުފިޔާ) ޖުމްލަ 8,525,558.00 (އަށްމިލިއަން ފަސްސަތޭކަ ފަންސަވީސްހާސް ފަސްސަތޭކަ ފަންސާސް އަށްރުފިޔާ) ގެ ބަޖެޓް، އަދި މިބަޖެޓަށް ރިޔާޢަތްކޮށް އެކުލަވާލާފައިވާ ފާދިއްޕޮޅު އަތޮޅުކައުންސިލްގެ 2021 ވަނަ އަހަރުގެ މަސައްކަތު ތާވަލް ފާސްކުރުން.

އަތޮޅުތެރޭގެ ޞިއްޙީޚިދުމަތްތަކަށް ބޭނުންވާ ޕްރޮކިޔުމަންޓްގެ މަސައްކަތް ލާމަރުކަޒީކުރުމަށް ނިންމާ ކޮންމެ އަތޮޅެއްގައިވެސް ބިޑްކޮމިޓީއެއް އެކުލަވާލަން އަންގަވާފައިވާތީ، ޅ. އަތޮޅުގައި އެކުލަވާލާ ބިޑްކޮމިޓީގައި ހިމަނާނެ މުވައްޒަފެއް ކަނޑައެޅުން.