މިދަންނަވާ ކަންތައްތައް، 30 ޖޫން 2022 ގައި ބޭއްވި، ފާދިއްޕޮޅު އަތޮޅު ކައުންސިލްގެ 8/2022 ވަނަ ޢާއްމު ޖަލްސާ (4 ވަނަ ދައުރުގެ 34 ވަނަ ޖަލްސާ) އިން ވަނީ ނިންމާފައެވެ.

ފާދިއްޕޮޅު އަތޮޅު ކައުންސިލް އިދާރާގެ އާމްދަނީ އިތުރު ކުރުމުގެ ގޮތުން، މިއިދާރާއިން ޓްރާންސްޕޯޓް އޮތޯރިޓީއާއި ގުޅިގެން ދެމުންގެންދާ ޚިދުމަތްތަކުގެ ތެރެއިން އަލަށް ލައިސަންސްއަށް އެދި ހުށަހަޅައިގެން ދުވަހުން ދުވަހަށް ތިޔަރީ އިމްތިޚާން ދޭ ގޮތަށް އެކްސްޕްރެސް ޚިދުމަތަށް އެދި ހުށަހަޅާ ފަރާތްތަކުން އިދާރީ ފީއެއްގެ ގޮތުގައި -/500 ރުފިޔާ ނަގާގޮތަށް ހުށަހަޅުއްވާފައިވާ މައްސަލާގައި ގޮތެއް ނިންމުމުގެ ކުރިން އިތުރަށް މަޝްވަރާކުރުމަށް ވަގުތު ބޭނުންވާތީ، މިމައްސަލައާ މެދު ޖަލްސާގައި ގޮތެއް ކަނޑައެޅުމުގެ ބަދަލުގައި ކުރިޔަށްއޮތް އެހެން ކައުންސިލްގެ ބައްދަލުވުމަކަށް މިމައްސަލަ އެޖެންޑާކޮށްގެން ކުރިޔަށް ގެންދަން ފެންނަކަމަށް ނިންމުން.

ފާދިއްޕޮޅު އަތޮޅު ކައުންސިލް އާއި އަތޮޅުގޭގެ ސެކިއުރިޓީ އައުޓްސޯސް ކުރުމަށް ނިންމާފައިވާތީ މި މަސައްކަތް ހަވާލު ކުރުމާއި ހަމައަށް ކުރިއަށް ގެންދަންޖެހޭ ބިޑިންގް ޕްރޮސެސްއަށް ދައުލަތުގެ މާލިއްޔަތު ޤަވާއިދާއި އެއްގޮތަށް ކުރިއަށް ގެންދިއުމަށް ވަގުތު ނުލިބޭތީ، މިކަން ކުރުމަށް 1 ސެޕްޓެމްބަރ 2022 ން ފެށިގެން މުއްދަތު އިތުރުކޮށް ނޯޓިސް އެއް ދީގެން ކުރިއަށް ގެންދިއުމަށް ފެންނަކަމަށް ނިންމުން.