ިދަންނަވާ ކަންތައްތައް، 23 އޮކްޓޯބަރ 2023 ގައި ބޭއްވި، ފާދިއްޕޮޅު އަތޮޅު ކައުންސިލްގެ 24/2023 ވަނަ އާއްމު ޖަލްސާ (4 ވަނަ ދައުރުގެ 74 ވަނަ އާއްމު ޖަލްސާ) އިން ވަނީ ނިންމާފައެވެ.


ޅ.އަތޮޅު ރައްޔިތުންގެ ޒަރޫރީ އަދި އަމިއްލަ ބޭނުންތަކަށް ވެލިނަގާނޭ ސަރަޙައްދުތަކެއް ކަނޑައަޅުއްވައިދެއްވުން އެދި އެންވަޔަރަމަންޓަލް ޕްރޮޓެކްޝަން އެޖެންސީ (އީ.ޕީ.އޭ) އިން ފޮނުވާފައިވާ ނަންބަރ : 203-ECA/231/2023/1 (10 ޖެނުއަރީ 2023) ސިޓީގައި ދަންނަވާފައިވާ ޝަރުތުތައް ފުރިހަމަވާ ސަރަހައްދުތަކެއް ފާހަގަކުރެވިފައި ނުވާތީ ސަރަހައްދުތައް ކަނޑައެޅުމުގައި ކަމާގުޅުންހުރި މުއައްސަސާތަކާއިއެކު މަޝްވަރާކޮށް އިތުރަށް ދިރާސާކޮށް ސަރަހައްދު ކަނޑައެޅުމުގައި އީޕީއޭގެ ލަފާއާއި އިރުޝާދު ބޭނުންވާކަމަށް އެފަރާތަށް ދެންނެވުމަށް ނިންމުން.


ޅ.އަތޮޅު ރައްޔިތުން މޫދަށްއެރުމަށާއި، އަތޮޅުގެ ސްކޫލްތަކުގެ ކުދިން ކޭމްޕް ދިއުމަށް، ނައިފަރާއި ހިންނަވަރު ރައްޔިތުންގެ ބޭނުންތަކަށް ވައްވަރު، އަދި ކުރެންދޫ އާއި އޮޅުވެލިފުށި ރައްޔިތުންގެ ބޭނުންތަކަށް މަޑުއްވަރީ ހަމަޖައްސަވައި ދެއްވުމަށް ކަމާގުޅޭ އިދާރާތަކުގައި ދެންނެވުމަށް ނިންމުން.


ފާދިއްޕޮޅު އެވޯރޑް ޙަފްލާ 2023″ ގެ އުޞޫލު ގެނެވިފައިވާ ބަދަލުތަކާ އެއްގޮތަށް ފާސްކުރުމަށް ނިންމުން.


މޯލްޑިވްސް އިންލެންޑް ރެވެނިއު އޮތޯރިޓީން ފޮނުއްވާފައިވާ ސިޓީއާއި ގުޅިގެން ނައިފަރުގައި އެއޮތޯރިޓީގެ ކަލެކްޝަން ސެންޓަރެއް ޤާއިމްކުރުމަށް މިއިދާރާއިން ދޫކޮށްފައިވާ ކޮޓަރި، މިއިދާރާއަށް ދިމާވެފައިވާ ޖާގައިގެ ދަތިކަމަށް ހައްލެއް ހޯދުމަށް އެ ކޮޓަރީގެ ބޭނުން ކުރުމަށް ޖެހިފައިވާތީ 31 ޖެނުއަރީ 2024 ގެނިޔަލަށް ކޮޓަރި މިއިދާރާއި ހަވާލުކުރުމަށް އެފަރާތަށް ދެންނެވުމަށް ނިންމުން.

ފާދިއްޕޮޅު އަތޮޅު ކައުންސިލް އިދާރާއިން ޓްރާންސްޕޯޓް އޮތޯރިޓީއާއި ގުޅިގެން ދެމުންގެންދާ އެއްގަމު އުޅަނދުފަހަރުގެ ލައިސެންސް ޚިދުމަތްތަކަށް ތިރީގައިވާ ގޮތުގެ މަތިން އިދާރީ ފީ 01 ނޮވެމްބަރ 2023 ވަނަ ދުވަހުން ފެށިގެން ނެގުމަށް ނިންމުން.
– އެއްގަމު ލައިސަންސް ޚިދުމަތަށް އިދާރީ ފީގެ ގޮތުގައި 200/- ރުފިޔާ (މިފީގެ ދަށުން ޚިދުމަތް ދެވޭނީ 30 ދުވަހުގެ މުއްދަތަށެވެ.)
– އެއްގަމު ލައިސަންސް ކާޑް ޕްރިންޓް ކުރުމަށް އިދާރީ ފީގެ ގޮތުގައި 200/- ރުފިޔާ