އިމާމުންގެ ކަންކަމުގައި އިސްލާމީ ކަންތައްތަކާއި ބެހޭ ވުޒާރާއަށް ލަފާ ދެއްވުމަށް އެވުޒާރާގެ ފަރާތުން އުފަށްދަވާ އިމާމުންގެ މަޖިލީހުގައި ފާދިއްޕޮޅު އަތޮޅު ތަމްސީލްކުރުމަށް އިމާމަކު ހޯދުމާއިގުޅޭ

އިސްލާމީ ކަންތައްތަކާއި ބެހޭ ވުޒާރާގެ ފަރާތުން ރާއްޖޭގެ ހުރިހާ ރަށެއްގެ އިމާމުންނަށް އަމާޒުކޮށްގެން 21 ސެޕްޓެންބަރު 2024 ވަނަ ދުވަހު ބޭއްވުނު މަހާސިންތާއިން އެ މިނިސްޓްރީ އާއި އިމާމުންނާ ދެމެދު އޮންނަ ގުޅުން ދަމަހައްޓާ، އިމާމުންގެ ކަންކަމުގައި އެ މިނިސްޓްރީ އަށް ލަފާ ދެއްވުމަށް އިމާމުންގެ މަޖިލީހެއް އުފެއްދުމަށް ނިންމާފައިވާކަމަށް، އިސްލާމީ ކަންތައްތަކާބެހޭ ވުޒާރާގެ ސަރކިއުލަރ ނަންބަރު:142-B1/CIR/2024/25 އިން ވަނީ އަންގާފައެވެ.
ވީމާ، އިމާމުންގެ ތެރެއިން މިކަމަށް ޝައުޤުވެރިވާ ބޭފުޅުން ނަން ހުށަހެޅުއްވުން އެދެމެވެ. އިމާމުންގެ މަޖިލީހަށް އިމާމަކު ހޮވާނީ ނަން ހުށަހަޅުއްވާ ފަރާތްތަކުގެ ތެރޭގައި މަޝްވަރާކުރުމަށްފަހުއެވެ. އަދި މަޝްވަރާކޮށްގެން ގޮތެއް ނުނިންމޭ ނަމަ، އިމާމަކު ކަނޑައަޅާނީ ގުރުއަތު ނަގާގެންނެވެ.
ނަން ހުށަހެޅުއްވުމަށް ތިރީގައިވާ ގޫގުލް ފޯމް ފުރިހަމަކުރެއްވުން އެދެމެވެ. ފޯމް ފުރުމުގެ އެންމެ ފަހު ތާރީޚަކީ 29 ސެޕްޓެންބަރ 2024 ވަނަ ދުވަހުގެ 13:00 އެވެ.

ގޫގްލް ފޯމް ލިންކް: https://forms.gle/ecfcGhMdQFkGhJ3H7

ވީމާ މިކަން ޢާންމުކޮށް އެންގުމަށް އިޢުލާން ކުރީމެވެ.