މިދަންނަވާ ކަންތައްތައް، 13 ފެބްރުއަރީ 2025 ގައި ބޭއްވި، ފާދިއްޕޮޅު އަތޮޅު ކައުންސިލްގެ 3/2025 ވަނަ ޢާއްމު ޖަލްސާ (4 ވަނަ ދައުރުގެ 106 ވަނަ ޖަލްސާ) އިން ވަނީ ނިންމާފައެވެ.

ފާދިއްޕޮޅު އަތޮޅުކައުންސިލް އިދާރާގެ އެޕްރެންޓިސްޝިޕް ޕްރޮގްރާމްގެ އުޞޫލު ، އެގްރިމަންޓް އަދި ޓާސްކް ލިސްޓަށް  ގެނެވިފައިވާ އިޞްލާޙުތަކާއިއެކު  ފާސްކުރަން ފެންނަކަމަށް ނިންމުން

ފާދިއްޕޮޅު އަތޮޅުގޭގެ ޢީމާރާތަކީ ދުވަސްވެ ބައުވުމުގެ ސަބަބުން ކުރަންޖެހޭ މަރާމާތުތައް ނުކުރެވި، މިހާރު ބޭނުންނުކުރެވޭ ހާލަތައް ގޮސްފައިވާ ޢިމާރާތަކަށްވާއިރު ވަށައިގެންވާ ފާރުތަކާއި މުޅި ޢިމާރާތުގައިވެސް ރެނދުއަޅާފައިވާތީ، ޢިމާރާތާއި އިންވެގެންވާ މީހުން ދިރިއުޅޭ ގެތަކާއި އިޖުތިމާޢީ ސަރަޙައްދުގެ ގޮތުގައި މީހުންއެއްވެ ކުޅިވަރުކުޅޭ ތަންތަންވެސް ހުރި ސަރަހައްދަކަށްވުމުން މިހާރު ޢިމާރާތް އެހުރިގޮތަށް ދޫކޮށްލާފައި ބަހައްޓައިފިނަމަ ޢިމާރާތުގެ ސަބަބުން އިންވެގެންވާ ގެތަކާއި އަދި އެސަރަޙައްދުގައި ދިރިއުޅޭ ފަރާތްތަކަށް އިޔާދަ ނުކުރެވޭވަރުގެ ބޮޑު ގެއްލުމެއް ކުރިމަތިވެދާނެކަމުގެ ބިރުއޮތް ޢިމާރާތަކަށްވުމުން ޢިމާރާތުގެ ސަބަބުން ގެއްލުމެއް ނުލިބެނީސް ޢިމާރާތް ތަޅައި ބިންސާފުކުރުމަކީ މިވަގުތައްއޮތް އެންމެ ރަނގަޅުގޮތް ކަމުގައި ކައުންސިލުން ދެކޭތީވެ، މިމައްސަލަ ސިޓީތަކާއި އިދާރީ ދާއިރާތައް ހިންގުމާއި، އާންމު މަސައްކަތްތަކާއި ބެހޭ ވުޒާރާގެ ސަމާލުކަމަށް ގެނެސް މިކަމަށް އަވަސް ހައްލެއް ގެނައުމުގެ މަސައްކަތް އިދާރީ ގޮތުން ކުރިއަށް ގެންދިއުމަށްފަހު, އަލުން މިމައްސަލަ އެޖެންޑާ ކުރުމަށް ފެންނަކަމަށް ނިންމުން.