ލޯކަލްކައުންސިލް ދުވަސް ޅ.ކުރެންދޫގައި ފާހަކޮށްފި
ލޯކަލް ކައުންސިލް ދުވަސް 2016 ޅ ކުރެންދޫގައި ފާހަގަކޮށްފިއެވެ. މިދުވަސް ޝަރަފްވެރިކޮށްދެއްވީ ފާދިއްޕޮޅު އަތޮޅު ކައުންސިލްގެ ފުރަތަމަ ދައުރުގެ ރައީސް އަލްފާޟިލް ރިޟްވާން ޢަލީއެވެ.
މިދުވަސް ފާހަގަކުރުގެ ގޮތުން ފުރަތަމަ ޙަރަކާތެއްގެ ގޮތުގައި އޮތީ 16 މާރޗް 2016 ވީ ބުދަ ދުވަހުގެ ހަވީރު 4:00ގައި ޅ. ކުރެންދޫ ފުޓްބޯޅަ ދަނޑުގައި ކުޅެވުނު ފުޓްބޯޅަ މެޗެވެ. މިމެޗް ކުޅެވުނީ ކުރެންދޫ ކައުންސިލްގެ ޓީމަކާ(ސްޓޭޓް އެމްޕްލޮއީޒް ޓީމް) އެރަށުގެ ޒުވާނުންގެ ޓީމް (ކުރެންދޫ ޔޫތްޓީމް) ދެމެދު އެވެ. މިމެޗް 4-1 އިން ކާމިޔާބުކުރީ ޒުވާނުންގެ ޓީމެވެ.
މިދުވަސް ފާހަގަކުރުމުގެ ގޮތުން ބާއްވާ ޚާއްޞަ ޖަލްސާ އޮތީ 16 މާރޗް 2016 ވީ ބުދަ ދުވަހުގެ ރޭ 20:45 ގައި ޅ.ކުރެންދޫ ކައުންސިލްގެ އިދާރާގެ ކުރިމަތިންއޮތް އޯޕަން އޭރިޔާގައެވެ. މިޖަލްސާގައި ފާދިއްޕޮޅު އަތޮޅު ކައުންސިލުން 2015 ވަނަ އަހަރު ހިންގި ހަރަކާތްތަކާއި 2016 ވަނަ އަހަރު ހިންގުމަށް ރޭވިފައިވާ ހަރަކާތްތަކުގެ ވީޑިއޯ ޕްރެޒެންޓޭޝަން ހުށަހެޅުނެވެ. އަދި ކުރެންދޫ ކައުންސިލުން ރައްޔިތުންނަށް ދެމުންގެންދާ ޚިދުމަތްތަކުގެ މައްޗަށް ބިނާކޮށް ކުރެންދޫ ކައުންސިލުގެ ފަރާތުންވެސް ވީޑިއޯ ޕްރެޒެންޓޭޝަނެއް މިޖަލްސާގައި ހުށަހެޅިގެން ދިއައެވެ.
ލޯކަލް ކައުންސިލް ޤާނޫނަށް ރައްޔިތުން ހޭލުންތެރިކުރުވުމާއި ވޭތުވެ ދިޔަ އަހަރު ކައުންސިލުން ހިންގާފައިވާ ހަރަކާތްތަކުގެ މަޢުލޫމާތު ރައްޔިތުންނާއި ޙިއްޞާކުރުމާއި ކުރިއަށް އޮތް އަހަރު ކައުންސިލުން ހިންގަން ކަނޑައަޅާފައިވާ ހަރަކާތްތަކުގެ މަޢުލޫމާތު ރައްޔިތުންނާއި ޙިއްޞާކުރުމާއި ކައުންސިލާއި ރައްޔިތުންނާއި ގުޅުންބަދަހިކުރުމުގެ މަޤްޞަދުގައި 2015 ގައި ފާހަގަކުރަންފެށި މިދުވަސް މިދިޔަ އަހަރު ފާހަގަކޮށްފައިވަނީ ޅ އޮޅުވެލިފުށީގައެވެ.
ފަހުގެ ލިއުންތައް
- ޅ.އަތޮޅު ކައުންސިލްގެ އިދާރާއިން އެވޯޑްކޮށްފައިވާ ޕްރޮކިޔުމަންޓްތަކުގެ މަޢުލޫމާތު ޢާއްމުކުރުން (މާރޗް 2024)
- 2024 ފެބުރުއަރީ މަހުގެ ނިޔަލަށް ފާދިއްޕޮޅުގެ އާބާދީ
- ޅ.އަތޮޅު ކައުންސިލްގެ އިދާރާއިން އެވޯޑްކޮށްފައިވާ ޕްރޮކިޔުމަންޓްތަކުގެ މަޢުލޫމާތު ޢާއްމުކުރުން (ފެބުރުއަރީ 2024)
- 2024 ވަނަ އަހަރުގެ ފެބްރުއަރީ މަހުގެ ރައްޔިތުންގެ ބައްދަލުވުން ބޭއްވި ކައުންސިލްތައް
- ލިބޭފައިސާއާއި ޚަރަދުގެ ރިޕޯޓް – ފެބުރުއަރީ 2024
- ލިބޭފައިސާއާއި ޚަރަދުގެ ރިޕޯޓް – ޖެނުއަރީ 2024
- ފާދިއްޕޮޅު އަތޮޅު ތަރައްޤީ ޕްލޭނުން ޙާޞިލްވަމުންދާ މިންވަރު (ޖެނުއަރީ، ފެބުރުއަރީ 2024)
- 2024 ޖެނުއަރީ މަހުގެ ނިޔަލަށް ފާދިއްޕޮޅުގެ އާބާދީ
- 2024 ވަނަ އަހަރުގެ ބަޖެޓް ހުށަހެޅި ކައުންސިލްތައް
- 2023 ވަނަ އަހަރު ހިންގި ޚަރަކާތްތަކުގެ ރިޕޯޓު ހުށަހެޅި ކައުންސިލްތައް