މިދަންނަވާ ކަންތައްތައް، 07 ނޮވެމްބަރ 2018 ގައި ބޭއްވި ފާދިއްޕޮޅު އަތޮޅުކައުންސިލްގެ 2018/28 ވަނަ ޢާއްމު ޖަލްސާ (3 ވަނަ ދައުރުގެ 48 ވަނަ ޢާއްމުޖަލްސާ) އިން ވަނީ ނިންމާފައެވެ.

އޮޅުވެލިފުށީ ކައުންސިލް އިދާރާގެ ބަޖެޓްގެ ދަތިކަން ހުރިގޮތުން، އެއިދާރާގައި ބޭނުންކުރުމަށް ފޮޓޯކޮޕީ މެޝިނެއް ހޯއްދަވައިދެއްވުންއެދި ހުށަހަޅާފައިވާތީއާ، މިހާރު މިއޮފީހުގައި ބޭނުންކުރުން ހުއްޓާލާފައިވާ ފޮޓޯކޮޕީ މެޝިން، ފާދިއްޕޮޅު އޮޅުވެލިފުށީ ކައުންސިލްގެ އިދާރާގައި ބޭނުންކުރަން އެއިދާރާއާ ޙަވާލުކުރަން ނިންމުން.

ފާދިއްޕޮޅު އަތޮޅު ކައުންސިލްގެ 2018 ވަނަ އަހަރުގެ މަސައްކަތު ތާވަލްގައި ހިމެނޭ 21 އަހަރުން ދަށުގެ ކުދިންނަށް ހިންގާ ފުޓްބޯޅަމުބާރާތް ހިންގުމަށް އެކުލަވައިލެވިފައިވާ ޤަވައިދާއި، އިޢުލާން މިހާރު ހުށަހެޅިފައިވާގޮތަށް ފާސްކުރުން.

ޒުވާނުން ވަޒީފާތަކަށް އަހުލުވެރިވުމަށް މަގުފަހިކޮށްދިނުމުގެ ގޮތުން، އެކްޓިވިޓީ ކަލެންޑަރުގެ 4 ވަނަ ޙަރަކާތުގައި ހިންގަން ކަނޑައަޅާފައިވާ އިންޓަރންޝިޕް ޕްރޮގްރާމްގެ ބަދަލުގައި، އެޕްރެންޓިސްޝިޕް ޕްރޮގްރާމެއްގޮތަށް އަތޮޅުގެ ރަށްރަށުގެ މުއައްސަސާތަކުގައި ހިންގާގޮތަށް ބަދަލުކުރަން ފެންނަކަމަށާ، މިގޮތުން، މި ޕްރޮގްރާމްގައި މިއިދާރާއިން 2 ޖާގަ ދޭން  ފެންނަކަމަށާ،  އެކުދިންނަށް އެލަވެންސެއްގެ ގޮތުގައި މަހަކަށް، -/1000ރ ދޭން ނިންމުން.

ފާދިއްޕޮޅު އަތޮޅުކައުންސިލްގެ އަހަރީ މަސައްކަތު ތާވަލްގައި ހިމެނޭ ފާދިއްޕޮޅު ވޮލީ ލީގް 2018 ހިންގުމަށް ހުށަހެޅިފައިވާ ބިޑްތައް، ބަޖެޓްގައި ކަނޑައަޅާފައިވާ ޢަދަދަށްވުރެ ބޮޑުވާތީއާ، އަދި މިއީ ދެވަނަ ފަހަރަށް އިޢުލާން ކުރެވުނު ފަހަރުކަމަށްވާތީ، މިހާރު އެންމެ ދަށްކޮށް ލިބިފައިވާ ބިޑްގެ އަގުގައި -/90،000ރ. އަށް މުބާރާތް ހިންގަން ނިންމުން.