މިރާގެ ކަލެޝަން ސެންޓަރެއް ޅ އަތޮޅުގައި ހުޅުވައިފި
މީރާގެ ކަލެކްޝަން ސެންޓަރެއް ޅ އަތޮޅުގައި ޤާއިމްކޮށް ޚިދުމަތް ދޭން ފަށައިފިއެވެ. މީރާގެ ކަލެކްޝަން ސެންޓަރު ޤާއިމްކޮށްފައިވަނީ ފާދިއްޕޮޅު އަތޮޅު ކައުންސިލް އިދާރާގައެވެ. މިސެންޓަރުން މީރާގެ ހުރިހާ ޚިދުމަތްތައްވެސް ލިބިގެންދާނެކަމަށް މީރާއިން މަޢުލޫމާތު ދެއްވައެވެ. މިރާގެ ކަލެކްޝަން ސެންޓަރެއް ފާދިއްޕޮޅުގައި ގާއިމްވެގެން ދިއުމުން ފާދިއްޕޮޅު އަތޮޅު ކައުންސިލުން ދެމުންއައި މީރާގެ ޚިދުމަތްތައް މިހާރުވަނީ ސެންޓަރުގެ ދަށަށް ބަދަލުވެފައެވެ.
މީރާގެ ކަލެކްޝަން ސެންޓަރެއް ޤާއިމްކުރުމަށްޓަކައި ފާދިއްޕޮޅު އަތޮޅު ކައުންސިލުންވަނީ އެއްވެސް ކުއްޔަކާއި ނުލާ އިމާރާތުގެ ވަޞީލަތް ފޯރުކޮށްދީ އޮފީސް ސެޓަޕްހެދުމަށް ބޭނުންވާ އެހީތެރިކަން މީރާއަށް ފޯރުކޮށްދީފައެވެ. އަދި ހަމައެއާއިއެކު ސެންޓަރުގެ ކަރަންޓުގެ ޚިދުމަތްފަދަ ބައެއް ރިކަރަންޓް ޚަރަދުތައް ހަމަޖައްސަމުން ގެންދާނީ ފާދިއްޕޮޅު އަތޮޅު ކައުންސިލްގެ ފަރާތުންނެވެ.
މީރާގެ ކަލެކްޝަން ސެންޓަރެއް މިއަތޮޅުގައި ޤާއިމްކުރުމަކީ ފާދިއްޕޮޅު ތަރައްޤީ ޕްލޭންގައި ހިމެނިގެން ފާދިއްޕޮޅު އަތޮޅު ކައުންސިލްގެ މިއަހަރުގެ މަސައްކަތު ތާވަލުގައިވެސް ހިމެނިގެން ކުރިއަށް ގެންދެވުނު މަސައްކަތެކެވެ.
ފާދިއްޕޮޅު އަތޮޅު ކައުންސިލުންވަނީ ވޭތުވެދިޔަ އަހަރު ޓްރާންސްޕޯޓްގެ ޚިދުމަތްތައްވެސް ފާދިއްޕޮޅު އަތޮޅު ކައުންސިލުން ލިބޭގޮތަށް އިދާރީ އިންތިޒާމްތައް ހަމަޖައްސަވާފައެވެ. މިގޮތުން އޭޒޯން ލައިސަންސްގެ ޚިދުމަތް މިހާރުވަނީ ތަޢާރަފްކޮށް ޚިދުމަތް ދެވެން ފަށާފައެވެ. އަދި މާލެގޮސްގެން ހޯދަންޖެހޭ އެހެނިހެން ޚިދުމަތްތައްވެސް ފާދިއްޕޮޅުގައި ލިބޭނެ އިންތިޒާމްތައް ހަމަޖެއްސުމަށް ކަމާއިގުޅޭ އިދާރަތަކާއި ދަނީ މަޝްވަރާކުރެވެމުންނެވެ. މިގޮތުން މިހާރު އެންމެ އިސްކަމެއް ދީގެން ކުރިއަށްގެންދާ މަސައްކަތަކީ އިމިގްރޭޝަންގެ ޑެސްކެއް ފާދިއްޕޮޅު އަތޮޅު ކައުންސިލްގައި ޤާއިމްކޮށް އިމިގްރޭޝަންގެ ޚިދުމަތްތައް ޅ އަތޮޅުން ލިބޭނެ އިންތިޒާމް ހަމަޖެއްސުމުގެ މަސައްކަތެވެ.
ފަހުގެ ލިއުންތައް
- ޅ.އަތޮޅު ކައުންސިލްގެ އިދާރާއިން އެވޯޑްކޮށްފައިވާ ޕްރޮކިޔުމަންޓްތަކުގެ މަޢުލޫމާތު ޢާއްމުކުރުން (މާރޗް 2024)
- 2024 ފެބުރުއަރީ މަހުގެ ނިޔަލަށް ފާދިއްޕޮޅުގެ އާބާދީ
- ޅ.އަތޮޅު ކައުންސިލްގެ އިދާރާއިން އެވޯޑްކޮށްފައިވާ ޕްރޮކިޔުމަންޓްތަކުގެ މަޢުލޫމާތު ޢާއްމުކުރުން (ފެބުރުއަރީ 2024)
- 2024 ވަނަ އަހަރުގެ ފެބްރުއަރީ މަހުގެ ރައްޔިތުންގެ ބައްދަލުވުން ބޭއްވި ކައުންސިލްތައް
- ލިބޭފައިސާއާއި ޚަރަދުގެ ރިޕޯޓް – ފެބުރުއަރީ 2024
- ލިބޭފައިސާއާއި ޚަރަދުގެ ރިޕޯޓް – ޖެނުއަރީ 2024
- ފާދިއްޕޮޅު އަތޮޅު ތަރައްޤީ ޕްލޭނުން ޙާޞިލްވަމުންދާ މިންވަރު (ޖެނުއަރީ، ފެބުރުއަރީ 2024)
- 2024 ޖެނުއަރީ މަހުގެ ނިޔަލަށް ފާދިއްޕޮޅުގެ އާބާދީ
- 2024 ވަނަ އަހަރުގެ ބަޖެޓް ހުށަހެޅި ކައުންސިލްތައް
- 2023 ވަނަ އަހަރު ހިންގި ޚަރަކާތްތަކުގެ ރިޕޯޓު ހުށަހެޅި ކައުންސިލްތައް