ޅ. ޗެމްޕިއަންޝިޕް 2018 (އަންޑަރ 21) ފުޓްބޯޅަ މުބާރާތް ޅ.ކުރެންދޫގައި ބާއްވާ ގޮތަށް ހަމަޖެހިއްޖެ
ފާދިއްޕޮޅު އަތޮޅު ކައުންސިލުގެ އަހަރީ މަސައްކަތު ތާވަލްގައި ހިމެނިގެން މިއަހަރު ބޭއްވުމަށް ހަމަޖެހިފައިވާ ޅ. ޗެމްޕިއަންޝިޕް 2018 (އަންޑަރ 21) ފުޓްބޯޅަ މުބާރާތް ފާދިއްޕޮޅު ކުރެންދޫގައި ބާއްވާ ގޮތަށް ހަމަޖެހިއްޖެއެވެ.
މިމުބާރާތް ކުރެންދޫގައި ބޭއްވުމުގެ ހުއްދަ ފާދިއްޕޮޅު ކުރެންދޫ ކައުންސިލުން މިއަދުވަނީ ފާދިއްޕޮޅު އަތޮޅު ކައުންސިލަށް ދޫކޮށްފައެވެ.
ފާދިއްޕޮޅުގެ 04 ރަށުން 04 ޓީމް ވާދަކުރާ މިމުބާރާތް ބޭއްވުމަށް އެންމެ ފުރަތަމަ މަސައްކަތް ކޮށްފައިވަނީ 20 ޑިސެމްބަރ 2018 އިން 30 ޑިސެމްބަރ 2018 އަށް ޅ. ނައިފަރުގައެވެ. މިގޮތުން މުބާރާތް ބޭއްވުމަށް ނައިފަރު ފުޓްބޯޅަދަނޑު ހޯދުމަށް ފާދިއްޕޮޅު އަތޮޅު ކައުންސިލުންވަނީ 13 ޑިސެމްބަރ 2018 ގައި ފާދިއްޕޮޅު ނައިފަރު ކައުންސިލަށް އެދި ހުށަހަޅާފައެވެ. ފާދިއްޕޮޅު ކުރެންދޫގައި މުބާރާތް ބޭއްވުމަށް ފާދިއްޕޮޅު އަތޮޅު ކައުންސިލުން ނިންމާފައިވަނީ މުބާރާތް ބޭއްވުމަށް ދަނޑުހޯދުމަށް އެދި ނައިފަރު ކައުންސިލްގެ އިދާރާއަށް ފޮނުވި ސިޓީގެ ޖަވާބެއް ނުލިބި ލަސްވާތީ، އިޢުލާން ކުރެވިފައިވާ ތާރީޚްގައި މުބާރާތް ފަށަން ޖެހޭތީއާ، ޓީމްތަކަށް ދުރާލާ މަޢުލޫމާތު ފޯރުކޮށްދެން ޖެހޭތީއެވެ.
ފާދިއްޕޮޅު އަތޮޅު ކައުންސިލްގެ 2018 ވަނަ އަހަރުގެ ބަޖެޓުން އެއްލައްކަ ރުފިޔާއަށްވުރެ ބޮޑު ޚަރަދެއް ކޮށްގެން ބާއްވާ މިމުބާރާތަކީ 21 އަހަރުންދަށަށް ފޯކަސްކޮށްގެން ބޭއްވުމަށް ހަމަޖެހިފައިވާ މުބާރާތެކެވެ.
ފަހުގެ ލިއުންތައް
- ޅ.އަތޮޅު ކައުންސިލްގެ އިދާރާއިން އެވޯޑްކޮށްފައިވާ ޕްރޮކިޔުމަންޓްތަކުގެ މަޢުލޫމާތު ޢާއްމުކުރުން (މާރޗް 2024)
- 2024 ފެބުރުއަރީ މަހުގެ ނިޔަލަށް ފާދިއްޕޮޅުގެ އާބާދީ
- ޅ.އަތޮޅު ކައުންސިލްގެ އިދާރާއިން އެވޯޑްކޮށްފައިވާ ޕްރޮކިޔުމަންޓްތަކުގެ މަޢުލޫމާތު ޢާއްމުކުރުން (ފެބުރުއަރީ 2024)
- 2024 ވަނަ އަހަރުގެ ފެބްރުއަރީ މަހުގެ ރައްޔިތުންގެ ބައްދަލުވުން ބޭއްވި ކައުންސިލްތައް
- ލިބޭފައިސާއާއި ޚަރަދުގެ ރިޕޯޓް – ފެބުރުއަރީ 2024
- ލިބޭފައިސާއާއި ޚަރަދުގެ ރިޕޯޓް – ޖެނުއަރީ 2024
- ފާދިއްޕޮޅު އަތޮޅު ތަރައްޤީ ޕްލޭނުން ޙާޞިލްވަމުންދާ މިންވަރު (ޖެނުއަރީ، ފެބުރުއަރީ 2024)
- 2024 ޖެނުއަރީ މަހުގެ ނިޔަލަށް ފާދިއްޕޮޅުގެ އާބާދީ
- 2024 ވަނަ އަހަރުގެ ބަޖެޓް ހުށަހެޅި ކައުންސިލްތައް
- 2023 ވަނަ އަހަރު ހިންގި ޚަރަކާތްތަކުގެ ރިޕޯޓު ހުށަހެޅި ކައުންސިލްތައް