ފައިނަލްގެ ފުރަތަމަ ޖާގަ ކުރެންދޫ އިން ކަށަވަރުކޮށްފި
ފާދިއްޕޮޅު އަތޮޅު ކައުންސިލުން އިންތިޒާމްކޮށްގެން ބާއްވާ ޅަވިޔަނި ޗެމްޕިއަންޝިޕް 2018 (21 އަހަރުން ދަށުގެ) ފުޓްބޯޅަ މުބާރާތުގެ ފައިނަލުގެ ފުރަތަމަ ޖާގަ ކުރެންދޫ އިން ކަށަވަރުކޮށްފިއެވެ. ކުރެންދޫ ޓީމް ފައިނަލަށް ދަތުރުކުރީ މިއަދު ހަވީރު އޮޅުވެލިފުށި ޓީމާއި ވާދަކޮށް 6-0 ގެ ބޮޑުނަތީޖާއަކުން މެޗް ކާމިޔާބުކޮށް ޖުމްލަ 7 ޕޮއިންޓާއި އެކުއެވެ. މިއަދުގެ މެޗާއިއެކު ކުޅުނު އެއްވެސް މެޗަކުން ޕޮއިންޓެއް ނުލިބި އޮޅުވެލިފުށި ޓީމަށްވަނީ މުބާރާތް ނިމިފައެވެ.
ކޮންމެ ޓީމެއް ކޮންމެ ޓީމަކާއި ވާދަކޮށް އެންމެ ގިނަ ޕޮއިންޓް ހޯދާ ދެޓީމެއް ފައިނަލް ކުޅޭގޮތަށް ބާއްވާ މިމުބާރާތުގެ ފައިނަލްގެ 2ވަނަ ޖާގައަށް ވާދަކުރަނީ ހިންވަރު އަދި ނައިފަރު ޓީމެވެ. ހިންވަރު ޓީމުން މިހާތަނަށް 2 މެޗްކުޅެގެން 4 ޕޮއިންޓް ހޯދައިފައިވާއިރު ނައިފަރަށް ލިބިފައިވަނީ 3 ޕޮއިންޓެވެ. ފައިނަލްގެ 02ވަނަ ޖާގަ ކަށަވަރުވާނީ މާދަމާ ހިންނަވަރު އަދި ނައިފަރު ބައްދަލުކުރާ މެޗްގެ ނަތީޖާ ނުކުންނަ ގޮތަކުންނެވެ. މިގޮތުން މިއިން ކޮންމެ ޓީމަކަށްވެސް މާދަމާގެ މެޗުން މޮޅުވެގެން ފައިނަލަށް ދިއުމުގެ ފުރުޞަތު އޮތްއިރު މާދަމާގެ މެޗް އެއްވަރު ވެއްޖެނަމަ ފައިނަލަށް ދަތުރުކުރާނީ ހިންނަވަރު ޓީމެވެ.
ޅ އަތޮޅުގެ ހަތަރު ރަށުން 04 ޓީމް ވާދަކުރާ މިމުބާރަތަކީ ޅ އަތޮޅުގައި ޒުވާން ފުޓްބޯޅަ ކުޅުންތެރިން އުފެއްދުމުގެ މަޤްޞަދުގައި ފާދިއްޕޮޅު އަތޮޅު ކައުންސިލުން އިންތިޒާމް ކުރާ މުބާރާތެކެވެ. ފާދިއްޕޮޅު އަތޮޅު ކައުންސިލްގެ 2018 ވަނަ އަހަރުގެ ބަޖެޓުން އެއްލައްކަ ރުފިޔާއަށްވުރެ ބޮޑު ޚަރަދެއް ކޮށްގެން ބާއްވާ މިމުބާރާތަކީ 21 އަހަރުންދަށަށް އަމާޒުކޮށްގެން ކުރިއަށްގެންދާ މުބާރާތެކެވެ. ފާދިއްޕޮޅު އަތޮޅު ކައުންސިލްގެ މަޝްވަރާގެ މަތިން މިމުބާރާތް ރާވާ އިންތިޒާމްކުރަނީ އާޓްޒޯންގެ ފަރާތުންނެވެ.
ފަހުގެ ލިއުންތައް
- ޅ.އަތޮޅު ކައުންސިލްގެ އިދާރާއިން އެވޯޑްކޮށްފައިވާ ޕްރޮކިޔުމަންޓްތަކުގެ މަޢުލޫމާތު ޢާއްމުކުރުން (މާރޗް 2024)
- 2024 ފެބުރުއަރީ މަހުގެ ނިޔަލަށް ފާދިއްޕޮޅުގެ އާބާދީ
- ޅ.އަތޮޅު ކައުންސިލްގެ އިދާރާއިން އެވޯޑްކޮށްފައިވާ ޕްރޮކިޔުމަންޓްތަކުގެ މަޢުލޫމާތު ޢާއްމުކުރުން (ފެބުރުއަރީ 2024)
- 2024 ވަނަ އަހަރުގެ ފެބްރުއަރީ މަހުގެ ރައްޔިތުންގެ ބައްދަލުވުން ބޭއްވި ކައުންސިލްތައް
- ލިބޭފައިސާއާއި ޚަރަދުގެ ރިޕޯޓް – ފެބުރުއަރީ 2024
- ލިބޭފައިސާއާއި ޚަރަދުގެ ރިޕޯޓް – ޖެނުއަރީ 2024
- ފާދިއްޕޮޅު އަތޮޅު ތަރައްޤީ ޕްލޭނުން ޙާޞިލްވަމުންދާ މިންވަރު (ޖެނުއަރީ، ފެބުރުއަރީ 2024)
- 2024 ޖެނުއަރީ މަހުގެ ނިޔަލަށް ފާދިއްޕޮޅުގެ އާބާދީ
- 2024 ވަނަ އަހަރުގެ ބަޖެޓް ހުށަހެޅި ކައުންސިލްތައް
- 2023 ވަނަ އަހަރު ހިންގި ޚަރަކާތްތަކުގެ ރިޕޯޓު ހުށަހެޅި ކައުންސިލްތައް