މިދަންނަވާ ކަންތައްތައް، 02 ޖޫން 2022 ގައި ބޭއްވި، ފާދިއްޕޮޅު އަތޮޅު ކައުންސިލްގެ 5/2022 ވަނަ ޢާއްމު ޖަލްސާ (4 ވަނަ ދައުރުގެ 31 ވަނަ ޖަލްސާ) އިން ވަނީ ނިންމާފައެވެ.
ލޭބަރ ރިލޭޝަންސް އޮތޯރިޓީން އެދިލައްވާފައިވާ ގޮތުގެމަތިން އެ އޮތޯރިޓީގެ 2 މުވައްޒަފުންނަށް މަސައްކަތް ކުރުމަށް ފާދިއްޕޮޅު އަތޮޅު ކައުންސިލް އިދާރާގައި ޑެސްކް ޤާއިމް ކުރައްވާއިރު، އެ އޮތޯރިޓީން ހަމަޖައްސަވާ ދެއްވާނެ ކަންތަކާއި، އޭގެއިތުރުން ކައުންސިލް އިދާރާގެ ފަރާތުން ހަމަޖައްސަންޖެހޭނެ ކަންކަން، ލޭބަރ ރިލޭޝަންސް އޮތޯރިޓީން އިތުރަށް ސާފު ކުރަން ފެންނަކަމަށް، ޖަލްސާގެ އިއްތިފާޤުން ފާސްކުރުން.
ފާދިއްޕޮޅު އަތޮޅު ކައުންސިލް އިދާރާއާއި، ފާދިއްޕޮޅު އަތޮޅުގޭގެ ސެކިއުރިޓީ ބެލެހެއްޓުން މިހާރަށް ވުރެ ރައްކާތެރިކަމާއި، ހަރުދަނާކަމާއެކު ކުރިއަށްގެންދިއުމަށް ސެކިއުރިޓީ ބެލެހެއްޓުން އައުޓްސޯސް ކުރަން ފެންނަކަމަށާއި، ސެކިއުރިޓީ އައުޓްސޯސް ކުރުމަށް ހުޅުވާލުމުގެ ކުރިން އިޢުލާނާއި، ސަޕޯޓިންގ ޑޮކިއުމަންޓްސް ކައުންސިލަށް ހުށަހަޅައި ފާސްކޮށްގެން ކުރިއަށް ގެންދިއުމަށް ފެންނަކަމަށް، ޖަލްސާގެ އިއްތިފާޤުން ފާސްކުރުން.
ފާދިއްޕޮޅު އަތޮޅު ކައުންސިލްގެ ހިންގާ ޤަވާޢިދުގެ 17 ވަނަ މާއްދާގެ (ށ)ގައި މިމާއްދާގެ (ހ) ގައި މިގޮތަށް އޮތްކަމުގައި ވީނަމަވެސް، ކޮންމެ މަހަކު 1 ފަހަރު ފިޒިކަލީ މެމްބަރުން ބައިވެރިވާ ޖަލްސާއެއް ބާއްވަން ވާނެކަމަށް ހިމަނައި، ދެން ހުރި މާއްދާތައް ތަރުތީބު ކުރުމަށާއި، މިޤަވާޢިދުގެ 19 ވަނަ މާއްދާގެ (ހ) އިސްލާޙުކޮށް ކޮންމެ ހަފްތާއަކު 1 ޖަލްސާ (މަހަކު 4 ޖަލްސާ) ބޭއްވުމަށް ހިމަނައި، ހިންގާ ޤަވާޢިދަށް މިގެނެވުނު އިސްލާޙުތަކާއެކު، ހިންގާ ޤަވާޢިދު ފާސްކުރަން ފެންނަކަމަށް، ޖަލްސާގެ އިއްތިފާޤުން ފާސްކުރުން.
ފަހުގެ ލިއުންތައް
- 2024 މާރޗް މަހުގެ ނިޔަލަށް ފާދިއްޕޮޅުގެ އާބާދީ
- ޅ.އަތޮޅު ކައުންސިލްގެ އިދާރާއިން އެވޯޑްކޮށްފައިވާ ޕްރޮކިޔުމަންޓްތަކުގެ މަޢުލޫމާތު ޢާއްމުކުރުން (މާރޗް 2024)
- 2024 ފެބުރުއަރީ މަހުގެ ނިޔަލަށް ފާދިއްޕޮޅުގެ އާބާދީ
- ޅ.އަތޮޅު ކައުންސިލްގެ އިދާރާއިން އެވޯޑްކޮށްފައިވާ ޕްރޮކިޔުމަންޓްތަކުގެ މަޢުލޫމާތު ޢާއްމުކުރުން (ފެބުރުއަރީ 2024)
- 2024 ވަނަ އަހަރުގެ ފެބްރުއަރީ މަހުގެ ރައްޔިތުންގެ ބައްދަލުވުން ބޭއްވި ކައުންސިލްތައް
- ލިބޭފައިސާއާއި ޚަރަދުގެ ރިޕޯޓް – ފެބުރުއަރީ 2024
- ލިބޭފައިސާއާއި ޚަރަދުގެ ރިޕޯޓް – ޖެނުއަރީ 2024
- ފާދިއްޕޮޅު އަތޮޅު ތަރައްޤީ ޕްލޭނުން ޙާޞިލްވަމުންދާ މިންވަރު (ޖެނުއަރީ، ފެބުރުއަރީ 2024)
- 2024 ޖެނުއަރީ މަހުގެ ނިޔަލަށް ފާދިއްޕޮޅުގެ އާބާދީ
- 2024 ވަނަ އަހަރުގެ ބަޖެޓް ހުށަހެޅި ކައުންސިލްތައް